በኔዘርላንድስ የተገኘውን የኢትዮጵያን የዘውድ ቅርስ ጠቅላይ ሚኒስትር ዐቢይ አህመድ ተረከቡ

ዛሬ ማለዳ ጠቅላይ ሚኒስትር ዐቢይ አሕመድ የ18ኛ ክፍለ ዘመን ዘውድ ለመመለስ ከመጡት የኔዘርላንድስ የውጪ ንግድ እና የልማት ትብብር ሚኒስትሯ ሲግሪድ ካግ ጋር ተገናኝተዋል።

ቅርሱ ከ1985 ዓ.ም. አንስቶ ጠፍቶ የቆየ ሲሆን፣ በጥቅምት 2011 ዓ.ም. በኔዘርላንዷ ሮተርዳም የተገኘ መሆኑ ተመልክቷል።

ከአራት መቶ ዓመታት በላይ እድሜ ያለው ይኸውን ቅርስ አቶ ሲራክ አስፋው የተባሉ ትውልደ ኢትዮጵያዊ ድንገት እንዳገኙትና የተሰረቀ መሆኑን በማመን ለኢትዮጵያ መንግስት ለመመለስ አጋጣሚውን ሲጠብቁ እንደነበር ከዚህ በፊት መገለፁም ይታወቃል፡፡

በዚሁ መሰረት ትውልደ ኢትዮጵያዊ አቶ ሲራክ ከኔዘርላንድስ መንግስት ተወካዮች ጋር በመሆን ወደ ኢትዮጵያ በመምጣት የዘውድ ቅርሱን ለኢትዮጵያ መንግስት አስረክበዋል፡፡

በአስማማው አየነው