The Embassy of Ethiopia in Brussels colorfully celebrated International Women’s Day on March 8, 2022, under the national theme, this year ,”I am the guardian of my sister”.

126ኛው የአድዋ በዓል “አድዋ ለኢትዮጵያውያን ኅብረት፤ ለአፍሪካ የነጻነት ጮራ” በሚል መሪ ቃል በመላው ሀገራችን የተከበረ ሲሆን በዛሬው ዕለት በብራስልስ በሚገኘው የኢፌዲሪ ኤምባሲ አስተባባሪነት ቤልጂየም፣ ሉግዘምበርግና ኔዘርላንድስ የሚገኙ ኢትዮጵያውያንና ትውልደ ኢትዮጵያውያን ጋር በመሆን ተከብሯል፡፡ ውይይቱ በበይነ መረብ የተደረገ ሲሆን በርካታ ኢትዮጵያውያንና ትውልደ ኢትዮጵያውያን ተሳትፈውበታል፡፡ በመድረኩ በቤልጂየም ባለሙሉ ስልጣን ክብርት አምባሳደር ሂሩት ዘመነ የመክፈቻ ንግግር ያደረጉ ሲሆን በዋነኛነት የአድዋ በዓል በጭቆና ውስጥ ለነበሩ ሕዝቦች የነጻነት ፋና ያበሰረ እንደነበር እና የጥቁር ህዝቦች የነጻነት ተምሳሌት እንደሆነ አንስተዋል። በማስከተልም የአድዋ በዓል በመስዋዕትነት አገራችን ተከብራ እንድትቆም ያደረገ ክስተት መሆኑንና አሁንም በዚህ ትውልድ እየተገነባ ያለው የሕዳሴ ግድብ ዳግማዊ አድዋ መሆኑንና በአንድነት እስከቆምን ድረስ ምንም ነገር ለመስራት የሚያግደን ጉዳይ እንደሌለ ያስመሰከርንበትና በቀጣይ ልማታችንን ለማሳካት ተባብረን መስራት እንዳለብን አስገንዝበዋል፡፡